影片
更多
2024-11-24
213 瀏覽
今日嚟咗位於天后嘅新餐廳，主打蒸氣海鮮。個人覺得好方便嘅，店入面只設有一個餐牌，book位嗰陣只需要通知幾位嚟就得。餐廳環境好日式風格，而且係喺高樓一眼望晒去可以睇到維港view。第一次嚟唔知view仲咁靚嘅miss咗啦😭日落時或者無人機表演一定好正feel。一個set每人$888有10幾道菜，整體嚟講好抵食，全部食材都新鮮，又處理得好乾淨，侍應態度都好好。我哋特別鍾意呢幾道1⃣️阿拉斯加長腳蟹——除咗刺身頭盤之外嘅另一道主角，肉好嫩滑新鮮，さすが係阿拉斯加長腳蟹，手同腳嘅肉都比一般嘅蟹嚟得多，又比較厚實2⃣️芝士櫻花蝦鮑魚——老婆特別鍾意嘅一道，所以特別強調一定要同大家分享呢個。芝士同櫻花蝦嘅配搭好特別，喺出面未食過嘅味道。最後我嗰份都讓晒畀老婆食3⃣️日式蟹皇雜炊——蟹黃熬煮所以好鮮香，濃濃嘅蟹味。好似蟹粥但味道又比蟹粥更加濃郁，好好味回味嘅一道4⃣️新鮮野菜盛合——睇落去普普通通嘅一道，一上嚟嗰陣我都覺得店家係咪想hea我㗎？但係好意外嘅，蒸好之後口感依然係脆口嘅，而且水分滿滿咁保留住，淨係咁食都得5⃣️龍蝦湯蒸蛋配蟹肉——配料好高級，一般出面畀嘅蟹都係蟹柳，好少會食到真嘅蟹肉。蟹肉又畀得好足，蒸蛋
餐廳環境好日式風格，而且係喺高樓一眼望晒去可以睇到維港view。第一次嚟唔知view仲咁靚嘅miss咗啦😭日落時或者無人機表演一定好正feel。
一個set每人$888有10幾道菜，整體嚟講好抵食，全部食材都新鮮，又處理得好乾淨，侍應態度都好好。我哋特別鍾意呢幾道
1⃣️阿拉斯加長腳蟹——除咗刺身頭盤之外嘅另一道主角，肉好嫩滑新鮮，さすが係阿拉斯加長腳蟹，手同腳嘅肉都比一般嘅蟹嚟得多，又比較厚實
2⃣️芝士櫻花蝦鮑魚——老婆特別鍾意嘅一道，所以特別強調一定要同大家分享呢個。芝士同櫻花蝦嘅配搭好特別，喺出面未食過嘅味道。最後我嗰份都讓晒畀老婆食
3⃣️日式蟹皇雜炊——蟹黃熬煮所以好鮮香，濃濃嘅蟹味。好似蟹粥但味道又比蟹粥更加濃郁，好好味回味嘅一道
4⃣️新鮮野菜盛合——睇落去普普通通嘅一道，一上嚟嗰陣我都覺得店家係咪想hea我㗎？但係好意外嘅，蒸好之後口感依然係脆口嘅，而且水分滿滿咁保留住，淨係咁食都得
5⃣️龍蝦湯蒸蛋配蟹肉——配料好高級，一般出面畀嘅蟹都係蟹柳，好少會食到真嘅蟹肉。蟹肉又畀得好足，蒸蛋同龍蝦湯嘅組合又唔會破壞咗大家嘅味道同口感，超級惹味
張貼
