輕鬆麻辣 (已結業)

瘋狂購物完，係尖沙咀厚福街附近，唔知食咩好，朋友話呢間唔錯，就試試～大家都鍾意食辣，可以瘋狂叫辣野啦！涼拌皮蛋-d辣椒好好味，撈落d皮蛋啖啖都係辣味！口水雞-點可以少得口水雞呢！都係同一隻辣椒味道，d雞都好滑，而且件件食得，唔錯唔錯！底下仲有青瓜絲。麻辣燙兩送-芝士腸同午餐肉，哈哈全部係致癌物質但我地都好鍾意呀！酸菜配料好好食，叫左少辣，下次可以試試中辣添！紅豆冰都係加$9咋，抵飲啊！不過食完之後成身雞味，唔知點解！