影片
更多
2014-06-25
4884 瀏覽
在網上見到 Gooday Cafe 評價不俗，圖片看來也很美便打算趁放假一試。皇后大道中 118 號有點難找，原來要拐入小路才見到，下午一點八到達，眼見全場爆滿，男職員走上前跟我說還有位，便示意我走進一間房，房間很小，有六個位，四面牆，沒有通氣系統也沒有冷氣，有的只有掛在天花板的風扇，起初只感到不熱，但食到中途已經覺得幾翳焗。午市套餐定價 $85-$95，另收加一，便點了一個雞扒套餐。幾分鐘後上菜，見到這個快餐店速度已經心知不妙，正如之前不同食客放上 openrice 的照片和描述，除了主菜，其他都是一口份量為主（湯有幾口的），似試食多過正餐，托盤已經不算大，但襯上定好的一口食物和主菜，還是有點空蕩，賣相可憐也不大體。我不禁向男職員確定係咪齊晒，佢話係咁我就開動了：半隻蛋：我不吃蛋，所以 no comment6 份之 1片鮮蕃茄：一口蕃茄，還算鮮甜一小杯忌廉湯：和罐頭湯差不多，普通茶餐廳水準洛神花包：有驚喜，幾好味沙律：菜是鮮，但 dressing 很普通，而且份量太小，不足以拌菜食用雞扒飯：趕客到唔會再幫襯。整盤食物，唯一可以令人有飽肚感，但茨汁極重，本人唔鍾意茨汁，成 pat 咁「
皇后大道中 118 號有點難找，原來要拐入小路才見到，下午一點八到達，眼見全場爆滿，男職員走上前跟我說還有位，便示意我走進一間房，房間很小，有六個位，四面牆，沒有通氣系統也沒有冷氣，有的只有掛在天花板的風扇，起初只感到不熱，但食到中途已經覺得幾翳焗。
午市套餐定價 $85-$95，另收加一，便點了一個雞扒套餐。幾分鐘後上菜，見到這個快餐店速度已經心知不妙，正如之前不同食客放上 openrice 的照片和描述，除了主菜，其他都是一口份量為主（湯有幾口的），似試食多過正餐，托盤已經不算大，但襯上定好的一口食物和主菜，還是有點空蕩，賣相可憐也不大體。我不禁向男職員確定係咪齊晒，佢話係咁我就開動了：
半隻蛋：我不吃蛋，所以 no comment
6 份之 1片鮮蕃茄：一口蕃茄，還算鮮甜
一小杯忌廉湯：和罐頭湯差不多，普通茶餐廳水準
洛神花包：有驚喜，幾好味
沙律：菜是鮮，但 dressing 很普通，而且份量太小，不足以拌菜食用
雞扒飯：趕客到唔會再幫襯。整盤食物，唯一可以令人有飽肚感，但茨汁極重，本人唔鍾意茨汁，成 pat 咁「污染」d 飯，我要將茨汁飯撥出來，勉強一人份看來就更悽涼了。第二個問題，食物根本就唔熱，無論幾好味的熱熏，唔熱都唔會好味，微暖的感覺令我懷疑佢攤喺廚房有幾耐。而且飯無飯香，水太重令白飯口感好削，唔好味。
熱茶：正常，至少係熱，無甚驚喜，普通紅茶茶包吧。
談完食物，就輪到環境，也許是大廈結構，還是一個細場填滿密麻麻的顧客關係，我坐喺房都覺得出面好嘈，好似入左 K 房咁，無論我將 earphones 的音樂較大再較大，依然無用。室內設計和餐廳用膳氣氛完全唔夾，仲嘈過入茶餐廳。再加上我坐喺房仔，包圍我的係四面牆加一度門，零景觀可言，而且越食越焗越食越熱，感覺好屈質。
最後賣單，原先計埋加一我應該俾 $95，當時肉都赤，用 $95 食埋呢 d 野仲要俾個咁o既環境我，真係好唔抵，好彩佢有 late lunch discount 8 折，就赤少 d。
題外話：當我想離開 cafe 時，個男職員走上前遞上一個紙袋俾我，話原來頭先俾漏一片洛神花包，當我要花 $75 喺一個又熱又焗的「柴房」食完，又要全程忍受 k 房o既嘈吵，食物「份量精緻」但水準唔得，仲要一開始答我上齊晒後，你突然走上前話俾我知你上漏野，建議我坐返低咬埋個包佢，又或者拎返屋企咬，sorry 我真係忟憎唔想接，就啖淡的答「我唔要啦，你收番啦」。
性價比低，我唔會再幫襯。好少可食完咁勞氣，真係浪費 quota。
張貼