茶木‧台式休閒餐廳 (青衣城1)

營業中

休息中

茶木可以話係我嘅中學回憶，以前成班同學仔有咩大日子先至會去茶木share一個蜂蜜多士。難得呢間新開嘅梗係要去下啦。雖然過咗晚飯時間大約9:00但茶木門外依然有條人龍排緊隊入座。等左大約15分鐘終於入到去，落左單之後都等左一陣先至上菜。朋友叫咗個冷麵而我就叫咗雞扒麵，用嚟撈麵嗰個芝麻醬有少少奇怪，可能係因為我食慣咗吉野家嗰個，唔係好慣呢一個。而我個雞扒就係新鮮炸起嘅，好脆好好味，份量都好足夠，而個面個湯都好濃好夠味。另外我哋仲帶咗個甘梅炸蕃薯條食得出係即叫即炸好熱好脆，但係個粉略嫌唔夠多，亦都唔夠濃味，番薯味都冇乜，所以都係留返下次去台灣再食。係中學回憶啊！依然係咁好味，中間嘅蜜糖多士點啲雪糕一齊食，簡直冇得彈。