亞蘇爾 (形點) (已結業)

呢間澳門菜開左好耐，之前食過幾好食，但係野食選擇比較少，所以好耐沒食。今次黎到7點幾，唔洗等位，直接就可以入座。兩個人叫左3樣野，首先叫左個澳葡小食雙拼，即係手打墨魚球同馬介休薯波。墨魚球都幾彈牙，兩樣都炸得脆，味道都唔錯～之後叫左之前食過覺得好食既葡式牛肝菌芝士焗鴨肉飯，佢係偏濃味既，而且幾惹味。但今次嗰飯焦就唔得，硬而唔脆，有啲失準。最後食埋澳門經典豬扒包，份量真係好大。嗰包烘得好脆，豬扒爽口，調味都唔錯。配左沙律就fresh 好多，但薯角就唔夠脆。P.S 店員服務好好，好nice，值得一讚。