瀅酌居酒屋

營業中

休息中

前一排搬離左大埔，有一段時間無返黎，最近約翻朋友食飯，就話不如去返以前’老地方’，疫情既呢段期間眼見附近都執左好多食開既小店，幸運既係呢間居酒屋仲係到，今日我黎得比較早，居酒屋入面未話有好多人，入到去居然職員仲記得我～就幫我安排返以前坐開既位置，望翻先發現個招牌唔同左😯不過裝修同埋餐牌都無乜點變，同職員傾開偈先知轉左手，亦都知道原來疫情後生意真係大不如前，結業既有好多，亦都好多餐廳既食物既質素同水準都差左好多，不過呢度無論職員，食物質素等都仍然keep到！師傅既用心，真係好難得，職員都有同我地講加左啲新菜式～我私心都係食牛小腸！超好味！