越式阿肥美食 (已結業)

今晚買外賣晚飯比老婆，我呢個24孝老公當然要買好嘢比佢食啦。雞翼魚餅飯（$39）-單係豉油撈飯，再加埋蔥油已經冇得輸。雞翼炸得香口，魚餅辣辣地又彈牙，難怪老婆仲食得多過我！！牛油雞翼（$39）-半客有5隻咁多？！唔理了，反正呢個係老婆至愛，牛油味香噴噴，蒜蓉味濃，係就係邪惡d，但偶爾一食都唔錯。呢度堂食環境麻麻，亦有可能比d阿姐串你，但其實都幾好生意架，如果唔想坐街邊的話，選擇外賣返屋企食都幾好！