東喜茶 (已結業)

東喜茶愈開愈多分店，每次經過都大排長龍，都好想知佢究竟有咩咁吸引。有日夜晚見無咁多人終於試咗，發覺佢同深圳喜茶嘅茶款幾乎一樣，唔知兩間有無關係呢？嗌左青霧嘅芝士奶蓋，都要成$33一杯，咁嘅價錢expectation自然要高啲，都等左成15分鐘，攞嘅時候店員仲提醒我可以唔使飲筒，直接打斜飲面頭啲奶蓋，但我照攞左，因為覺得溝埋飲先最好飲。青霧係烏龍茶，味道好清新，一啲澀味都無，茶底好飲，奶蓋帶點咸味，唔會好膩，整體係好飲嘅，如果可以再平啲我驚我會日日飲呀。