麺処一家 (已結業)

見到好多人讚，去過兩次都冇開，昨天終於試到。一睇 menu，只有三款麵同幾種 toppings，冇啲無厘頭綽頭嘢，已經好有好感。揀咗'料理長の選択'，豚骨魚介湯，加咗少量碎洋葱，兩款チャーシュー都好好味 ，配幼麵，成碗嘢好過好多日本過嚟啲 brands。唔明香港啲麵店，不論 local 或日本嘅 brand, 都鍾意搞到個 menu 鬼五馬六，又加埋啲淋嘅炸雞，雪到死晒嘅蟹肉，腥嘅海胆 ..... 唔係好多好似呢間咁認真去搞好一碗麵。仲有 discount. Support. 一定會再去。