影片
更多
2018-11-22
70 瀏覽
今時今日傳統茶餐廳買少見少，好多時生活上為求方便只好將就去連鎖快餐店。今日在大圍如獲至寶般被我們發現一間好有傳統茶餐廳感覺的金龍冰室，設計以藍色為主，內部裝修簡單整潔，有卡位又有枱位，洗手間不是設於後巷而是在店內。 餐牌上有經典嘅傳統茶餐廳美食，又有新穎嘅西餐菜式，懷舊飲品好似檸檬可樂煲薑同埋鹹檸檬七喜都有。看餐牌時望到隔離枱的菜式，絕對好啱大胃王，King Size既份量，輕而易舉就被隔離枱嘅巨扒吸引咗眼球，今晚就決定食鐵板餐。呢度嘅菜式碟碟都好大堆頭，我哋女仔比較細食, 為咗唔食太多肉，決定兩個人share一個至尊海鮮鐵板餐，裏面有龍脷柳、大蝦、帶子、魷魚圈、青口、蜆肉。但係唔好睇小佢嘅份量，畀足料，層疊層堆砌形似座山咁。龍脷柳好滑，軟軟綿綿的。大蝦就真係好大隻蝦，大到可以捲起來那種, 不是細蝦仔，帶子也是大粒的，魷魚圈、青口、蜆肉，咬落也好有口感，配上番茄汁、大塊切片既番茄和薯菜，薯菜有薯條、薯皮配上西蘭花。這個套餐仲有紅湯同埋白湯揀。我哋揀咗羅宋湯，酸酸哋夠開胃。 朋友揀咗個熱檸檬茶，話食完油膩嘢，要清清腸胃。見餐杯上有香港情懷既logo讓人望落很有親切感。我就揀咗菠蘿冰，裡面
餐牌上有經典嘅傳統茶餐廳美食，又有新穎嘅西餐菜式，懷舊飲品好似檸檬可樂煲薑同埋鹹檸檬七喜都有。看餐牌時望到隔離枱的菜式，絕對好啱大胃王，King Size既份量，輕而易舉就被隔離枱嘅巨扒吸引咗眼球，今晚就決定食鐵板餐。
呢度嘅菜式碟碟都好大堆頭，我哋女仔比較細食, 為咗唔食太多肉，決定兩個人share一個至尊海鮮鐵板餐，裏面有龍脷柳、大蝦、帶子、魷魚圈、青口、蜆肉。但係唔好睇小佢嘅份量，畀足料，層疊層堆砌形似座山咁。龍脷柳好滑，軟軟綿綿的。大蝦就真係好大隻蝦，大到可以捲起來那種, 不是細蝦仔，帶子也是大粒的，魷魚圈、青口、蜆肉，咬落也好有口感，配上番茄汁、大塊切片既番茄和薯菜，薯菜有薯條、薯皮配上西蘭花。這個套餐仲有紅湯同埋白湯揀。我哋揀咗羅宋湯，酸酸哋夠開胃。
朋友揀咗個熱檸檬茶，話食完油膩嘢，要清清腸胃。見餐杯上有香港情懷既logo讓人望落很有親切感。我就揀咗菠蘿冰，裡面超多菠蘿超多冰，差唔多半杯都係菠蘿同冰，味道OK，不會太甜。
另外我們加了兩個小食點啜下，我鍾意食雞翼，餐牌上面有蜜糖雞翼、椒鹽雞翼同埋土匪雞翼，其實我都唔知土匪雞翼係乜嘢，朋友話土匪雞翼主要係用孜然粉來調味，聽完都唔知係咩香料，就點來試試，一試便愛上了，食完一隻又一隻。土匪雞翼外脆內滑，雞翼雖然大隻，但裏面仍保持幼嫩幼滑的口感，外面就非常香口惹味。
最後一道菜我哋揀咗黑松露芝士焗雜菌西蘭花。美食唔可以抗拒，身材都係要護住的，食多啲蔬菜清理腸胃，對身體健康總是好的。黑松露配芝士，咬落香氣撲鼻而來，配上營養價值豐富嘅西蘭花，它堪稱減肥蔬菜之王，這一頓晚飯相當滿意。
張貼
