影片
更多
2020-06-29
173 瀏覽
中上環素食打工仔的福音。作為中上環返工既打工仔，成日坐都已經好慘，加上成日大魚大肥，有時候想減下肥，食下啲健康野，其實真係無乜幾多選擇，曾經我最鍾意係PURE隔離既NOODFOOD，老實講PURE真係一個HIGHEND沙律路線一個好好既選擇，但今日介紹既松山素食係平價路線既最好選擇，沒有之一。是日諗唔到食乜好，黎到行過上環漫無目的咁行，見到一間超級多人排隊既餐廳，個名叫做松山素食，個人覺得店名改得好好，一睇就知道係素食店，平時有食開沙律懶健康既我一睇到就俾佢吸引住左，素食都可以排隊排到過隔離餐廳，好明顯就係好店。作為foodie既我當然唔可以放過一間好店，立即加入一齊排隊。人龍雖然好長，但係餐廳手腳一啲都唔慢，大概10分鐘左右已經排到我了，餐廳有堂食位，但係人太多啦，餐廳位置又唔係特別多，係粥多僧少既情況下，我決定要外賣了。餐廳主打三送飯，係排隊既時間就要睇開決定要食啲乜野，同埋一定要記清楚個號碼，唔好好似我咁，我排隊果時隨便睇左一睇，結果，就真係叫錯野，但神奇地係，叫錯既野好好食，我極懷疑餐廳既野應該係樣樣都好高質，連我唔想食既野都可以食到津津有味，可想而知，其他野都唔會差得去邊。首
是日諗唔到食乜好，黎到行過上環漫無目的咁行，見到一間超級多人排隊既餐廳，個名叫做松山素食，個人覺得店名改得好好，一睇就知道係素食店，平時有食開沙律懶健康既我一睇到就俾佢吸引住左，素食都可以排隊排到過隔離餐廳，好明顯就係好店。作為foodie既我當然唔可以放過一間好店，立即加入一齊排隊。
人龍雖然好長，但係餐廳手腳一啲都唔慢，大概10分鐘左右已經排到我了，餐廳有堂食位，但係人太多啦，餐廳位置又唔係特別多，係粥多僧少既情況下，我決定要外賣了。餐廳主打三送飯，係排隊既時間就要睇開決定要食啲乜野，同埋一定要記清楚個號碼，唔好好似我咁，我排隊果時隨便睇左一睇，結果，就真係叫錯野，但神奇地係，叫錯既野好好食，我極懷疑餐廳既野應該係樣樣都好高質，連我唔想食既野都可以食到津津有味，可想而知，其他野都唔會差得去邊。
首先，想介紹左我叫錯既雲耳秋葵先，雲耳好入味，微辣酸酸地，味道同花盛既前菜有得揮，真心推薦。秋葵方面，其實我好怕秋葵，一黎依種食材少見，兩黎秋葵味個人有少少怕，但出奇地，餐廳將秋葵處理得好好，淡淡既秋葵味唔會太出，但食落有少少秋葵香，成件事好好味，超夾！送飯一流再加上啲送都係偏多汁，真係好正！
之後我仲叫左蕃茄素蛋同椒醬素肉，蕃茄蛋我相信唔洗太多筆墨先介紹啦，依個食材本身好易處理個組合又好味，餐廳調味又一流，真係唔知有乜可以挑剔啦。椒醬素肉既調味都係非常出色，其實餐廳其中一樣做得好好既地方就係調味，好味得黎唔會太濃，難怪咁多人排隊，但不得不提既係，素午餐肉，素午餐肉無論係口感同味道都同真既午餐肉一模一樣，老實講，唔係餐廳講明，我真係會以為佢係真肉，如果有機會，我真係覺得依個係必試推薦。
除左主食之外，我仲叫左一個臘八粥，８蚊，無睇錯，真係８蚊，中上環依個價我真係第一次見！臘八粥其實就係用唔同既豆煮成既粥，講真，香港地你買個白粥都唔止８蚊啦，仲要超足料既豆，真係超抵，信我既８蚊加一個啦，超正！保証唔會後悔。我食到既有山藥，紅豆，黃豆，綠豆，芋頭，仲有更多更多，不能儘錄。真心好正又好抵食！
隨餐仲有一個湯送返，好味又大份，重點係咁多野食，又健康又足料又好味，加埋先42蚊，唔止係素食者恩物，更加係窮人恩物，哈哈你知道啦月尾。
張貼
