Brooklyn (已結業)

嚟過兩次，第一次已經覺得唔係好得，惟一係唔使等位，但係原來星期五夜晚當度度都好多人嘅時候，呢間餐廳唔使等位就知道有啲嘢。今次約咗朋友食lunch，朋友揀咗呢間餐廳，都冇所謂啦志在傾計。佢係Semi buffet嘅形式，但係個lunch Menu都要百幾蚊，包埋一個沙律吧，有湯同沙律，仲有炸雞薯條等等。佢個沙律吧其實還可以，不過個蘑菇湯真係好難飲，蘑菇味好淡，佢唔係稀，只係好似唔知加咗啲乜嘢其他嘢咁，仲有一條條絲喺湯裡面。不過最差嘅係佢個主菜，完全唔值百幾蚊，意大利飯唔知點解落粟米落去煮，九唔搭八，仲要係好難食，軟殼蟹炸到硬繃繃。雖然環境唔錯，但係以後都唔會再去，價錢貴但係都唔知食咗啲乜嘢。