Paisano's Pizzeria

營業中

休息中

夜媽媽天寒地凍，緊係搵野際一際五臟廟。呢間野大大個pizza係間面，非常吸睛，每次行過都想試佢，可惜緣慳一面。今次機會黎啦！入到去其實迫迫地，已經冇興趣係入面食，點知門口一樣坐滿人，買個外賣算數。其實有好多款薄餅揀，但係太多選擇，花多眼亂，雞腸又唔係識得多過人，餐牌多為雞腸文，佢識我我唔識佢咁啦。睇圖就揀左godfather，嘩教父喎，睇過電影都知勁啦，上到黎又唔弱喎，店員幫忙番熱，仍然是脆邊的，大大件，但要40蚊冇野飲，絕對唔係我地呢種窮鬼既首選。好食既，芝味濃，洋蔥香，薄底邊脆心軟滑，肉腸野味。性價比中等，40蚊幾好食冇野飲咁囉。總結：唔係唔好食，只係唔係比窮L食，如果食塊薄餅40蚊會心痛就可免了。