The Chop House (已改名) 查看

本身冇諗過食呢間餐廳，不過原本想去嗰間餐廳已經結業，臨時就通過OpenRice search到呢間餐廳就去試吓，整體嚟講就冇乜期望。入到去個環境就偏暗，但係個整體環境都幾衛生同整潔，服務都幾好唔錯。本身之前見到OpenRice話個餐牌有個炭燒海鮮拼盤，但係琴日去嘅時候個餐牌已經冇咗呢個選項，當時係有少少失望。最後三個人就嗌咗三道主菜，包括焗鱈魚、法式春雞以及西冷扒，仲有一客薯條同埋 apple crumble。每份食物嘅份量，我覺得就還好，但係個味道我覺得係算幾好，當時係有啲喜出望外。份鱈魚雖然份量比較細，但係肉質好軟同滑，至於個春雞就好入味，而份西冷扒都處理得唔錯，既唔係太硬，亦都唔係太生。最後份薯條我都覺得幾好，非常香脆可口。最後三個人食1300蚊埋單，我覺得價格相嚟講算係咁。