泰.夯蝦 (堅拿道西) (已結業)

之前聽朋友講就多，今次終於自己去，OpenRice book位仲有75折。入座已經安排個座位喺條河隔離，入面d蝦超大隻同埋好生猛，走嚟走去咁，真係可以見邊隻生猛就夾佢上嚟，夾完上嚟仲發現超多蝦子。除咗蝦，仲有其他海鮮，d蜆都新鮮，又無沙，仲有扇貝、蠔 等。雞翼都係另一名物，佢有好多種唔同味道，又辣醬、咖哩、黑椒咁。雞翼真係要試均晒咁多隻味道。飲品都有好多選擇，有茶又有汽水，可以課金飲啤酒，啤酒選擇好多，有1664，藍妹，Tiger，仲有隻手工鱷魚啤，我試過覺得幾好飲。總括而言，好玩好食，一班人食飯吹水一流！價錢折後仲要超值！