Jenny Bakery (已搬遷) 新店位置

星期三晚一位好朋友送o左罐靚靚曲奇俾我,一睇個Bear Bear熊罐...Oh~Jenny Bakery!!!以前睇食評見好多人讚佢,今次終於有機會同佢見面喇!坦白講,我鍾意整曲奇餅,但就好少食~驚肥!本來想請細妹食,但佢話唔太好,決定帶返中心同同事一齊分享!一打開,好重咖啡味同牛油味!質感鬆化到有d淋~~有同事一拎就散!有幾位同事覺得好味,但我就覺得麻麻o地!我只試o左少少~因覺得太多油喇!而且質感亦太鬆散!(我都係鍾意藍罐曲奇圓圓碌冇任何餡o個款!)d牛油多到~~連拎過曲奇o既手指陣牛油味久久不能散去!用洗潔精都洗唔甩!我好感激好朋友對我o既心意,但總括o黎講我只鍾意個罐!個罐都要用洗潔精洗好耐(因為真係好多油!),依然有陣牛油味!唔知係咪心理作用,覺得宜家個身都仲有陣牛油味!註:我細妹早前試過鳳梨酥,佢話ok!但價錢實在太貴,而且保存期限超短!