幸福堂 (已結業)

時不時經過「幸福堂」都會買翻杯嘢尼飲，其實除左最招牌嘅黑糖珍珠鮮奶之外，我覺得有2款飲品都係值得推薦嘅、係我心目中幸福堂嘅必點單品。紅豆鮮奶，紅豆蓉口感好軟腍、有起沙、味道香甜，日本明治牛奶好醇厚、幼滑，整體成杯飲品唔會太甜，因為甜度主要依靠紅豆嘅甜味。抹抹暗戀抹茶珍珠鮮奶，抹茶味道非常濃郁、帶點回甘，日本明治牛奶好香濃，珍珠係採用自家製嘅草莓珍珠，味道較為清甜、口感煙韌，珍珠淺紅色的外表非常夢幻加上漸層效果好適合打卡。