SHADI

營業中

休息中

餐廳：SHADI地點：土瓜灣餐牌：Shawarma、漢堡包、Pizza、熱狗、雞翼、薯條單層安格斯牛堡 $65用大大支竹簽固定，面頭個包好脆又鬆軟，下底係洋蔥同青瓜加豐富醬汁，好夠味。下底係兩片新鮮蕃茄片，一片熱熔芝士，一片脆皮鹹香牛肉扒，生菜加豐富醬汁同底層麵包。個漢堡大個到我要分層食，醬汁豐富唔會乾。辣肉腸薄餅 $75薄餅係6吋手製薄餅，一客切好4大件，熱辣辣！每片都有一片辣肉腸，面頭有好多馬蘇里拉芝士，加有番茄醬喺薄餅邊，再加上香草。口感煙韌又脆口，仲有燶邊，芝士夠多，正！薯條 $25粗身薯條用紙盒上枱，熱辣辣炸起，已經跟有伴有一小兜茄汁，夠飽肚。汽水$10再加一罐汽水解渴。呢度薄餅真係好食。小店入面有7個位，外賣都方便。