現代煮意 (已結業)

尋日中午剛剛落機諗住繼續返公司搏殺，自己一條友想食飽飽先返公司。係香港站發現有新搵食地方，這店標榜健康飲食，餐牌上更提供每一個餐的卡路里含量。其中最有趣係呢間店的炒飯，原來係薏米炒飯！薏米煲湯就聽得多，炒薏米就真係未聽過。靚女老闆娘仲好有心機介紹薏米的營養價值，低糖高纖，仲可以利尿去水腫。忍唔住叫個泰式鴨胸炒飯試下。d炒薏米真係好煙韌，同平時d炒飯唔同，最重要係唔肥，又有好香的香茅味，見到自己食完個碟係冇油就知！比較可惜係d特飲賣晒，下次一定要試個五青汁。中環終於有個價錢合理的健康外賣真好!