霞飛點心拉麵 (已結業)

經過K11幾次都見到這間餐廳，上openrice睇下評語都不錯，就同老公試下晚餐。叫左椒塩排骨、黃金蝦球、津白、牛肉餅。總而言之，非常失望。椒塩排骨炸得好乾，直情咬不落，試多一塊，都係一樣，仲乾過牛豬肉乾，完全𣎴可以接受。津白中規中矩，這個餸都好難整得難食。黃金蝦球到左，一睇即知"黃金＂（鹹蛋）太厚，奪走蝦球鮮味，我要飲整杯水先至可以消化左厚厚的鹹蛋粉。招牌牛肉餅最後到，味道一般，不知道怎解係＂招牌＂！同九龍城清真牛肉館的牛肉餅差好多！埋單hks370,我同老公互看一眼，知道以後都不會再來！