鄧記川菜

營業中

休息中

牛氣沖天A5同牛套餐，有10道菜式。前菜有川式牛筋凍、四川口水雞同涼拌小黃瓜。川式牛筋凍口感彈牙，入口慢慢溶化；四川口水雞雞肉好入味，醬汁酸辣開胃；涼拌小黃瓜清爽脆口，好開胃！湯頭係淮杞響螺燉老雞湯，湯味清甜，有響螺同雞肉嘅鮮味，材料有淮山同杞子，又美味又滋補～主菜有堂煎A5佐賀和牛，超好食！A5佐賀和牛煎，肉質鮮嫩多汁，綿密香濃，一試難忘。仲有蒜香泡椒大蝦，大隻蝦皮脆口，蝦肉結實而鮮甜。水煮安格斯肥牛都好出色，川式嘅水煮做法，牛肉味道香濃，水煮肥牛好好味，辣得過癮！仲有炒得爽脆好食嘅熗炒花椰菜，唔錯～姜汁湯圓，姜湯清甜，配埋芝麻流心湯圓，軟糯好食。