Kisses Cupcakes (已結業)

今日我last day，想買啲好睇啲嘅散水餅，喺金鐘廊見到呢間Kisses Cupcakes，覺得好靚，好多款式，應該有超過15款，非常吸引，就買咗一打半返Office，價錢五百幾蚊左右，我覺得都相對地合理。店員將蛋糕包裝得十分之靚，我要求分三個盒包，佢都話OK，服務十分之好。亦都可以預先預訂，夾一個時間再嚟拎。同事見到都好開心，覺得好靚。味道方面，面頭有一咋cream，係玫瑰嘅形狀。蛋糕軟硬適中，唔會太甜。整體來講，好滿意。值得推薦！