樂糖 (已結業)

係朋友嘅instagram見得太多次呢個水信玄餅，因為真係好靚，所以其實想食好耐！難得今日有人請客！就嚟咗一次。叫左個櫻花水信玄餅。水信玄餅其實有啲似啫喱咁樣嘅感覺。我幾鍾意呢一度嘅水信玄餅，因為佢唔係好甜！而且櫻花葉既質感好特别幾有咬口！唔識形容櫻花嘅味道，但覺得就係幸福嘅味道！旁邊配有雲呢拿雪糕，感覺係高質素嘅雪糕，配合返水信玄餅唔係好甜！兩樣嘢嘅配搭好夾。另外仲有玫瑰花茶。睇得出餐廳好有心思！所有嘅配搭都係諗過度過先做！