千両 (MOKO新世紀廣場)

營業中

休息中

今日放假晏左少少起身冇食早餐直接約埋個朋友食個好d ga brunch 友人係千兩既會員，咁就行過旺角新世紀廣場就食呢間千兩啦。平日食晏好彩都唔使等位，直接入去仲即刻有得坐卡位 Lucky!!! 但係一坐落去好似雪櫃咁凍，好彩問問侍應哥哥佢可以刪咗個冷氣佢，服務仲要好好！其實好怕去啲食肆冷氣過勁，無論幾好食嘅都會即刻嗱嗱聲食完走。我今日就叫咗個《上便當》，入邊有好多mini版既食物，啱晒三心兩意嘅我！入面分別由迷你刺身飯/迷你牛肉烏冬/燒鯖魚同埋兩件炸物！雖然每份食物都係細細件咁上，但係加埋其實都幾飽！ 食物質素方面，嗰個烏冬啲牛肉好滑，個燒鯖魚都好香口！其他食物方面就平平無奇，叫擺得落口咁啦！