詠藜園四川菜館 (已搬遷) 新店位置

黄大仙呢間四川菜館都算幾出名，每次經過都見到有人排隊，幾旺場，所以今晚決定一試兩個人星期一晚，七點半入到去，已經九成滿座，好多一家大細一圍枱食飯。半隻花雕醉雞雞肉好嫩滑，淡淡花雕酒味，份量唔多，所以兩個人好快食曬招牌擔擔麵麵啱啱好，唔會過腍，花生味偏淡啲，個湯都幾辣下 。以$29呢個價錢，抵食，唔錯之選糖醋斑塊類似咕嚕肉既味道相近，無乜驚喜之作炸銀絲卷呢個我幾鐘意，點完之後，厨房即新鮮炸出黎。里頭軟熟，點練奶好好食。$19唔算平架，但幾好食凍豆漿$6杯，見幾抵飲，叫左杯試下。一早用膠杯倒好，放係雪櫃，有客叫就直接攞比你。一黎比較細杯，二黎味道好普通，無乜豆味，比較淡總括而言，價錢親民，食物唔差，但勿期貨過高。可能我期望太高，有啲失望。