華嫂冰室 (蝦尾新村)

營業中

休息中

既然今日揸車入元朗，我梗係要試吓華嫂冰室啦。因為我哋星期六去嘅關係。所以都幾多人。但係好彩就唔使等位。於是就叫嘢食啦。我哋叫咗蕃茄豬扒雞翼麵，皮蛋芫荽豬膶牛肉米粉，仲有招牌咸牛仔蛋豬仔包。先講個包，味道係好食嘅，而且塊豬扒都幾大塊。然後就係招牌雞翼豬扒面。湯底10分濃郁。令人忍唔住飲多幾啖湯。我就係皮蛋芫荽豬膶米粉。啲皮蛋仲有皮蛋花添。湯底十分之清，唔會搶過芫荽浸味。整體來講係好食嘅。但係唔知係咪太多人嘅關係，待應嘅態度都比較差，一副唔憂做嘅樣子，我就覺得試過一次就可以唔使再試啦。