板上 (中海日升中心) (已結業)

星期六晚行完Apm想搵間餐廳食飯，喺openrice見到呢間好似唔錯黎試下。入到去見到座位好多，仲係可以自由坐，好岩一班fd黎吹水，仲有電視可以睇埋波。我地叫左兩個便當加一個小食，板上雪花一口牛，仲有柚子醬油燒極黑豚。一口牛一啲都唔柴口，仲好有牛味，而且真係用珍珠飯加上配菜粟米同黑木耳，一睇落好似好單調，但其實都好夠食，食完岩岩好八九成飽。黑豚真係有啲驚喜，唔單止唔柴口，仲係厚切，比吉xx有口感得多，而且份量多，正！本身都諗住食完趕返屋企，最後唔覺唔覺都食左兩個鐘，唔錯既傾計地方。