MOMOJEIN Korean Restaurant (已結業)

好耐冇寫食評，因為哩間韓式餐廳太好食，環境又好又型，又唔洗排隊，即日訂位都冇問題，忍唔住再次執“筆”。先食個signature dish "kalbi hotteok",其實係一個牛肉包，包皮外脆內軟，內裡包著一層薄薄嘅年糕，牛肉超多汁，好有彈性和咬感！我未食過咁好食嘅包！食完想再食！點埋個醬真係無得彈！個醬都係超好食！之後主菜要咗個燒牛肉，廚師燒完再比客人，牛肉下面係好熱嘅石，以保持溫度。不過都唔係好保溫，但係都一樣咁好食，多汁之餘又唔“un”，送飯一流。之後再食個辣辣地嘅豬肉麵，麵好彈牙，不過都係牛肉包同燒牛肉較出色。最後點個sweet potato甜品，賣相好靚，味道很好，色彩和食物都好豐富，blueberry and raspberry又好甜！連隻醬都係紫薯製造！食材多到講之不盡。