渝味曉宇重慶老火鍋 (聚賢逸居) (已結業)

日期：9月11日人數：8人Team dinner因為某些原因定係堅尼地城食，咁一班人最好當然就係打邊爐啦，於是就去左呢間好出名既麻辣火鍋店。因為有同事唔食得麻辣，所以叫咗個鴛鴦鍋。麻辣鍋有好多花椒，睇起身好辣，一上枱香氣四溢。火鍋配料嘅款式同一般火鍋店差唔多，好多種類選擇，夠哂齊全。我哋都係叫咗大路野，包括肥牛、滑牛肉、蝦滑、鵝腸、午餐肉、鴨血、餃子、脆皮腸、豆腐、冬菇、蔬菜盤、烏冬等等。味道方面，因為材料都好新鮮，加上鍋底好香，帶起左食材嘅味道。另一個值得一讚嘅地方，係火鍋配料可以叫半份，唔怕浪費之餘，又可以試多幾樣野。個人覺得滑牛肉、鴨血同埋鵝腸同麻辣火鍋好夾，屬推薦的配料。餐廳裝修唔錯，環境舒服，加上平日人流較少，當晚較靜。以夜晚差唔多質素嘅火鍋店比較來講，價錢唔算太貴。只係堅尼地城有啲偏僻，如果想食其實可以去銅鑼灣店，相信質素差不多。