M Zone 親和藝術 (已結業)

老友生日，難得拎到permit星期五晚happy night，梗係要搵個好地方。喺openrice search尖沙咀可以online book位嘅西餐，搵到呢間叫mzone嘅地方，正喎，食完嘢唔駛轉場就可以飲酒。同老友食飯，最開心莫過於可以完全不顧形象。我哋點咗隻香草檸檬雞，用刀叉食食下我索性用手！隻雞烤得好香，皮脆，肉滑，勁juicy，好食到我連手指都laam埋🤣🤣🤣🤣🤣 咁好食，要咁麻煩拆骨都值得吖！另外一道菜係西班牙法式杜諾豬架，其實我完全零idea點樣又西班牙又法式，是但啦，最緊要好食。豬架一啲都唔會乾爭爭鞋sap sap，咬落仲有肉汁㗎大佬！伴碟粗薯條一啲都唔hea，好味到我好有衝動side order一份粗薯條囉😋 不過最後我揀咗留肚食甜品。我同老友老習慣，食飯時唔飲酒住，叫咗一杯nothing一杯菠蘿冰，爽到一個點！生日又點可以無表示呢？本身想order cheese cake但無哂，唯有order咗個藍莓pancake當生日蛋糕啦。嘩，咁多cream，但食落一啲都唔漏，而且啲藍莓仲好似浸過糖水咁甜，一啲都唔酸👍🏻之後啲啤酒一set又一set咁落單，無咩特別，唔講了。總