影片
更多
2018-09-23
121 瀏覽
喺星期二又同一班好知心嘅好朋友相約又喺元朗試一試我最喜歡同我摯愛嘅海鮮私房蒸氣石鍋, 之前已經book定位一行六人就試咗個聞名不如見面嘅店鋪"蟹仙海鮮私房蒸氣石鍋"雖然店鋪細細都容納到十張八張2-6人長枱, 二至四人枱設置一個蒸汽爐, 而二至六人枱就有兩個蒸汽爐, 地方骨子之餘仲有好多好新鮮嘅海鮮食物真係妙絕👍。我哋六個人嗌咗六個價值$298海鮮套餐, 首先店員安排我哋座位, 之後幫我哋叫咗個南瓜排骨粥底放喺爐底系底部, 爐面就裝咗個盛器之後就鋪上海鮮進行烹調。因為晚飯時間個個都等住醫飽個肚, 所以我都今晚留定個肚食啲好嘢, 除咗有美味嘅海鮮之外仲有啲特飲可以一瓶瓶叫, 我哋叫咗三瓶特飲, 兩瓶系水蜜桃另一瓶係柚子蜜。原來第一個餸就已經係我最鍾意食嘅海上鮮龍蝦啦！😍😍 兩人一隻我哋總共有三隻"澳洲青年龍蝦"其實係每種海鮮都有特定嘅烹調時間同埋火力, d澳洲龍蝦真係鮮味甜美同彈牙爽口, 只可以用兩個字形容"超正", 而第二度嘅海鮮就係嚟至菲律賓深海嘅"大青蟹", 每隻起碼兩斤重, 店經理仲話每隻價值$450蚊, 啲蟹膏同厚厚嘅實肉超好口感真係零舍不同Perfect😋第三道海鮮就係"越南貴
雖然店鋪細細都容納到十張八張2-6人長枱, 二至四人枱設置一個蒸汽爐, 而二至六人枱就有兩個蒸汽爐, 地方骨子之餘仲有好多好新鮮嘅海鮮食物真係妙絕👍。
我哋六個人嗌咗六個價值$298海鮮套餐, 首先店員安排我哋座位, 之後幫我哋叫咗個南瓜排骨粥底放喺爐底系底部, 爐面就裝咗個盛器之後就鋪上海鮮進行烹調。
因為晚飯時間個個都等住醫飽個肚, 所以我都今晚留定個肚食啲好嘢, 除咗有美味嘅海鮮之外仲有啲特飲可以一瓶瓶叫, 我哋叫咗三瓶特飲, 兩瓶系水蜜桃另一瓶係柚子蜜。
原來第一個餸就已經係我最鍾意食嘅海上鮮龍蝦啦！😍😍 兩人一隻我哋總共有三隻"澳洲青年龍蝦"其實係每種海鮮都有特定嘅烹調時間同埋火力, d澳洲龍蝦真係鮮味甜美同彈牙爽口, 只可以用兩個字形容"超正", 而第二度嘅海鮮就係嚟至菲律賓深海嘅"大青蟹", 每隻起碼兩斤重, 店經理仲話每隻價值$450蚊, 啲蟹膏同厚厚嘅實肉超好口感真係零舍不同Perfect😋
第三道海鮮就係"越南貴妃蚌"啲蚌隻隻都好大隻好鮮甜, 而第四度海鮮就係""紐西蘭大聖子加日本大元貝"點解今晚全部都係我摯愛嘅海鮮呢？我覺得e餐海鮮餐好似為我而設, 真係講不出咁開心！
好嘅嘢真係一浪接一浪第五同第六度海鮮都隨即嚟埋"翡翠九孔鮑魚+蔬菜籃以及紐西蘭青口"啲蔬菜好鮮甜同個鮑魚入口好甜美好友有鮮肉嘅質感, 雖然青口我都少食, 但係見到咁靚同新鮮真係忍唔住口！一口就食咗喇... 最後一個海鮮就係"深海龍躉片"魚肉好有魚味。老闆真係識做生意食完海鮮仲有一個甜品椰汁西米燉官燕招呼我哋！
張貼
