龍亭

今日心血來潮，突然想食鐵板燒，於是就同朋友去咗龍亭，今次去呢間龍亭係位於中環新開嘅 之前去嗰間喺佐敦 水準都好出色㗎，所以今次特登再嚟返呢一間！餐廳新裝修好有日式風格，而且仲有VIP房，夠晒私隱！今日叫咗高級廚師發辦套餐，有九道菜！價錢仲超抵，只需$688仲叫咗支金龍梅酒 $93前菜(漬物)係自家製蒜頭，仲有三文魚蓉添！沙律煙三文魚沙律沙律落咗柚子芝麻醬，仲有黑醋同龍珠果半碟，食落夠哂清新又健康！刺身一品時令魚子生蠔好鍾意佢嘅蝶頭花泡泡，真係好有創意，又靚又好食！鐵板海鮮二品虎蝦，東星斑，白鱔，日本元貝鮑魚大大隻，夠彈牙白鱔食落好有口感，肉厚東星斑好滑，肉質鮮嫩元貝仲大大粒鐵板料理宮城厚切黑豚扒油脂分配好平均，咬落非常有口感！澳洲牛柳粒入口即溶，肉質好嫩！菊花豆腐白麵豉湯湯係用豬骨熬製，飲落口味道夠晒濃郁鮮甜！黑松露海鮮炒飯炒飯炒得唔錯，粒粒粒分明，黑松露味道都好濃！是日甜品柚子雪葩加紅豆沙爆珠，另外仲有海膽做點綴！酸酸甜甜幾醒胃！紅豆沙爆珠，真係好特別第一次食！ 原來加埋海膽食落去係咁有風味！今晚呢餐鐵板燒好滿足，食完唔會好飽滯，價錢又抵可以再油麻地個站落encore ！