影片
更多
2023-12-12
345 瀏覽
尋晚大約7點半同男朋友去食坐四人枱非常闊落食物如圖，樣樣都好食份量又夠蒜蓉包：香，外脆內軟豬頸肉沙律：生菜同豬頸肉係分開，豬頸肉香料豐富，香味十足，仲有好入味青瓜蝦餅：香脆彈牙，有少少肉汁，配甜醬一流，但醬無酸味，唔係就更上一層樓馬拉盞炒通菜：好香，少少咸，但唔會過火，唔常食辣人士食第一啖覺得幾辣，食食下味蕾進化左，覺得岩岩好菠蘿海鮮炒飯：飯充滿菠蘿同提子香但唔會突兀，用料充足，好多雞肉，雞蛋，菠蘿等，連個菠蘿都好食，甜美多汁，唔酸，美足不足係魷魚無味，蝦得一隻俾左男朋友無機會評價泰奶：正常泰奶，香甜，重奶味及茶味芋頭椰汁糕：女店員好好人最後送俾我地甜度適中，食落質感似大菜糕，仲見有一粒芋頭粒跌出黎 都幾足料 本身想叫小食拼盤，但員工都講唔出有咩食物，有男店員話肉丸，蝦餅，腸仔？？覺得唔太make sense，所以最後無揀食左咁多樣野埋單只係261，男朋友聽到個價「吓」左一聲，呢度服務態度又好，食物又平又抵食，推介！
坐四人枱非常闊落
食物如圖，樣樣都好食份量又夠
蒜蓉包：香，外脆內軟
豬頸肉沙律：生菜同豬頸肉係分開，豬頸肉香料豐富，香味十足，仲有好入味青瓜
蝦餅：香脆彈牙，有少少肉汁，配甜醬一流，但醬無酸味，唔係就更上一層樓
馬拉盞炒通菜：好香，少少咸，但唔會過火，唔常食辣人士食第一啖覺得幾辣，食食下味蕾進化左，覺得岩岩好
菠蘿海鮮炒飯：飯充滿菠蘿同提子香但唔會突兀，用料充足，好多雞肉，雞蛋，菠蘿等，連個菠蘿都好食，甜美多汁，唔酸，美足不足係魷魚無味，蝦得一隻俾左男朋友無機會評價
泰奶：正常泰奶，香甜，重奶味及茶味
芋頭椰汁糕：女店員好好人最後送俾我地甜度適中，食落質感似大菜糕，仲見有一粒芋頭粒跌出黎 都幾足料
本身想叫小食拼盤，但員工都講唔出有咩食物，有男店員話肉丸，蝦餅，腸仔？？覺得唔太make sense，所以最後無揀
食左咁多樣野埋單只係261，男朋友聽到個價「吓」左一聲，呢度服務態度又好，食物又平又抵食，推介！
張貼
