牛角次男坊 (東薈城名店倉) (已結業)

平時見到嘅牛角都係放題燒肉，嚟到東涌呢個牛角就專食丼飯，放題嘅時候自己整牛角飯淨係加紫菜、溫泉蛋同飯配上牛角嘅肉，好正我就嗌咗$68豚肉丼，而朋友就嗌咗$78牛角次男丼。豚肉丼有溫泉蛋仲有幾片豚肉，碗細細以為好少，原來係會勁飽（女仔嚟講）。不過豚肉略嫌有少少韌而且唔夠香，食落會乾，好彩有麵豉湯，先食得落個飯。而牛飯嘅牛肉唔知係咪醬料醃過之後先製作，好好食而且唔韌，勁好餸飯！嚟牛角真係唔應該食牛以外嘅食物！