夢樂園 (已結業)

放假咁啱落雨，同朋友出街去貓咪cafe食嘢。上網見到尖沙咀嘅呢間cafe啲嘢食唔錯，有台式魯肉飯同飲品，午餐價錢公道，都係$60左右。 平時食得多西式pasta悶悶地，果然今次食物有驚喜。☺️一入到嚟，店員好親切，同埋貓咪都好乖好親人。朋友點左個口水雞飯（$60），呢度口水雞唔會太辣，平時食開小辣嘅朋友都handle到。雞肉啖啖肉同嫩滑。雞肉同飯嘅份量都好足夠，我同朋友都係一訓醒就嚟食lunch, 嚟貓cafe玩都可以食飽飽。另外加咗小食台灣腸（+ $6）。好抵食嘅小食，脆皮腸呢啲地道小食令我諗起台灣行夜市嘅感覺☺️今次我叫咗個酸菜魚，我就叫咗中辣。 魚嘅份量好多，肉質結實啖啖肉。湯嘅酸辣適中，呢個湯麵好啱鍾意食川菜嘅朋友🤣野飲跟餐仲有半價，黑糖珍珠奶茶（+$18）好大杯。而朋友就叫咗果茶。