串燒妹

營業中

休息中

串燒妹開咗好幾年， 久唔久都去食下，都可以話係keep到水準，之前去左食佢既麻辣燙自選粉麵叫左一款小辣都係食到出哂汗，建議第一次去食叫bb辣試下先，仲有粉麵最低消費要$30。 串燒方面都有啲特別既燒魚（燒海馬友，燒黃花魚），我鍾意食佢既羊架同雞翼，仲有燒番茄仔，我會叫俾小朋友食。燒年糕就煙煙靭靭都幾特別。位置堂食就得少少位，周末晚就經常要搭枱，都幾旺。但就係路邊，係小店。即叫即燒所以都要有啲等候時間既。