燒肉801

營業中

休息中

今日約左朋友食最愛既燒肉，香港愈來愈多燒肉店，呢間位於尖沙咀既Yakiniku 801，位置方便，約朋友食最方便。其實係聽朋友食荃灣果間分店話好食，所以覺得一定要試下。佢有好多種set，我地叫左801盛加冷麵，價錢係200出頭，有牛肩胛肉、牛小排、雞腿肉，食到多款唔同肉，佢啲肉有醬料醃好咗，所以燒完食係好入味。另外我哋仲想叫咗佢嘅降霜牛小排，一份係有汁，一份係去汁，唔知點解有汁果份啲肉質係粉紅雪花色，燒到一半熟入口即溶，超好食；去汁果份反而乾身啲。