金樂軒雞煲魚鍋

營業中

休息中

北角不嬲都多嘢食，肥雞就同朋友試吓位於北角嘅金樂軒雞煲魚鍋，一睇名就知一係食雞煲，一係食烤魚，咁肥雞就選擇咗後者。肥雞揀咗一份細嘅烤魚微微辣。佢嘅烤魚係用沙巴魚，魚身炸得香脆，配埋香濃嘅蒜味湯汁，下邊仲有少少配菜，例如豆卜芽菜，佢嘅魚非常之香口，睇得出係用新鮮嘅沙巴魚去整，再嗌咗一啲打邊爐用嘅菜，例如唐生菜新鮮淮山，萵筍等，除此之外，仲嗌咗個涼拌海蜇小黃瓜，酸酸甜甜嘅海蜇，配埋清爽嘅黃瓜，十分之開胃。再試多個黑醋糖排骨，同我哋嘅糖醋排骨冇乜分別，但係用咗黑醋，肥雞鍾意食黑醋，所以覺得佢嘅酸但有一份香味。