影片
更多
2023-09-12
197 瀏覽
之前有時係荃灣 經過都有諗過試下，不過自從無係荃灣返工就好少經過楊屋度呢頭。今日收工同朋友終於可以試下！▪︎泰式拼盤▪︎ $138拼盤有 炸蝦餅、泰式魚餅、素春卷、燒雞串上枱小食夠熱，蝦餅同魚餅都好好味，蝦餅啖啖蝦肉又唔會太咸，味道岩岩好，熱辣辣好正，泰式魚餅有一陣香茅定泰式既味道，個人都幾鍾意呢個味。但反而燒雞串略嫌普通，不過肉質挺厚身，味道如果可以再入味小小會好啲，不過可能為左配返側邊個幾款醬汁，所以可能個肉整得比較唔算濃味。素春卷入面都幾有餡，不過可能比較鍾意食蝦春卷比較多，呢個食落就普通左。▪︎豬頸肉生菜包▪︎ $88呢個實在係好辣，連我食得咁辣都覺得辣， 本身 一開始係諗住嗌生菜包，但後尾都係嗌咗豬頸肉生菜包， 除咗豬頸肉，入面配菜仲有洋蔥、青瓜、芹菜、紅椒，其實個味幾惹味酸酸辣辣咁，用菜包住好爽口又清新，不過如果可以少返啲辣會好好多😂所以我地都食剩左。。。🤫▪︎鮮菠蘿海鮮炒飯▪︎ $98呢個菠蘿炒飯我同朋友都清曬成個，實在係太好食，同埋整個配搭都好好味，菠蘿鮮甜，肉鬆、腰果、雜豆、炒蛋配埋個炒飯真係一流👍👍👍但入面仲有我唔食既提子乾😹黎食既朋友一定要叫呢個炒飯！！！近鏡影個足料樣😋😌
之前有時係荃灣 經過都有諗過試下，不過自從無係荃灣返工就好少經過楊屋度呢頭。
今日收工同朋友終於可以試下！
▪︎泰式拼盤▪︎ $138
拼盤有 炸蝦餅、泰式魚餅、素春卷、燒雞串
上枱小食夠熱，蝦餅同魚餅都好好味，蝦餅啖啖蝦肉又唔會太咸，味道岩岩好，熱辣辣好正，泰式魚餅有一陣香茅定泰式既味道，個人都幾鍾意呢個味。但反而燒雞串略嫌普通，不過肉質挺厚身，味道如果可以再入味小小會好啲，不過可能為左配返側邊個幾款醬汁，所以可能個肉整得比較唔算濃味。素春卷入面都幾有餡，不過可能比較鍾意食蝦春卷比較多，呢個食落就普通左。
▪︎豬頸肉生菜包▪︎ $88
呢個實在係好辣，連我食得咁辣都覺得辣， 本身 一開始係諗住嗌生菜包，但後尾都係嗌咗豬頸肉生菜包， 除咗豬頸肉，入面配菜仲有洋蔥、青瓜、芹菜、紅椒，其實個味幾惹味酸酸辣辣咁，用菜包住好爽口又清新，不過如果可以少返啲辣會好好多😂所以我地都食剩左。。。🤫
▪︎鮮菠蘿海鮮炒飯▪︎ $98
呢個菠蘿炒飯我同朋友都清曬成個，實在係太好食，同埋整個配搭都好好味，菠蘿鮮甜，肉鬆、腰果、雜豆、炒蛋配埋個炒飯真係一流👍👍👍但入面仲有我唔食既提子乾😹
黎食既朋友一定要叫呢個炒飯！！！
近鏡影個足料樣😋😌👍
▪︎泰象啤▪︎ $24 small
食飯啤一啤，為餐飯增添下氣氛，
即刻chill左(唔係醉左)😂🤣
▪︎ 椰汁西米糕 ▪︎ $20/4件
椰汁西米高超級好食！！！
佢個底仲有芋頭粒，下一次經過都一定要買返屋企食，因為有時都會買呢款食，但暫時覺得呢間係 最好食❤️
（餐牌）
（餐牌）
（餐牌）
（餐牌）
整體黎講，都會係一間會返轉頭既泰菜館，
平日黎講都見算多人黎食，keep住都有客，見到隔離枱嗌魚類同湯類，下一次我都要黎試下其他菜式。😎
張貼
