渝味曉宇重慶老火鍋 (渣甸中心) (已結業)

今晚出銅鑼灣，想打個邊爐。見到有間新餐廳就試一試佢。我平時都食得幾辣，就叫左個麻辣火鍋。我地兩個人叫左美國安格斯肥牛，有雪花，幾爽口。再叫左牛骨髓，口感幾特別。仲有手打蝦滑，四寶丸，桂花蚌，牛筋丸，非常爽口彈牙。素菜方面，就有炸芋頭，粉葛，非常粉，芋口味重。一個字，正！最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地兩個人食左$700以咁高質素嘅食物黎講算係物超所值。所以整體黎講我對今餐嘅評分係8分！