烏蠅館 (永榮樓) (裝修中)

媽媽好鍾意食辣野，今日收工就帶左佢去烏蠅館食辣野😆😆 🟩珍珠斑+香辣烤魚由於我地都唔係好大食，諗住細細地食條珍珠斑，點知黎到都發現勁大條😳😳肉質好鮮嫩好滑，再加上入面有蘿蔔片、木耳、金菇，金菇超入味！另外我地仲叫萵筍、豆腐同埋烏冬，溝埋啲汁夠晒辣好正！ 🟦 紅糖滋粑外面炸到金黃色，咬一啖就見到入面啲糖標晒出黎，夠晒甜，外脆入面煙韌，送到嚟又熱辣辣。 🟪 脆皮午餐肉黎到發現好多件，幾抵食🤣我覺得午餐肉煎係好食啲😆😆 佢嗰邊位煎到脆卜卜，好食。 🟨 蒜泥白肉蒜泥白肉溝埋辣椒油，辣辣地夠晒惹味，肉質都幾爽口。媽咪好捧場，食晒成條魚😆😆 無帶錯佢黎👍🏻