皇玥 (已結業)

🏮中秋節就到啦，而我呢就未到中秋節開始食月餅🤣，我已經當呢個月係月餅月，中秋節都算係我幾鍾意嘅一個節日，因為都好多嘢可以食🤭皇玥嘅月餅我相信大家都唔陌生，如果你覺得陌生嘅話，就等我介紹吓啦。月餅我本人幾鍾意食，但係有時又怕食得太多，而一啲新興嘅月餅，喺大小方面做得比傳統月餅細，咁我就可以一次試多啲唔同嘅味道。皇玥嘅月餅🛍，今年買咗奶黃同埋芝麻味嘅月餅，我用焗爐輕輕焗熱之後，奶黃月餅味更香👃🏻，外脆內軟，真係好好食。芝麻味嘅月餅，我第一次食，我覺得都幾有驚喜喎，焗熱左之後嘅芝麻月餅味道更加香，裏面嘅芝麻餡料口感幼滑🤤，味道不太甜，兩款月餅我一齊食，真係好正。一次過滿足晒我兩個願望😍如果未買月餅嘅你今年可以買一盒試吓，呢個禮合包裝，送禮都不錯。👍🏻👛🎁呀！仲有，我覺得佢呢個包裝都幾靚，食晒啲月餅之後，呢一個盒都幾實用，質地都唔錯，一共有兩層，可以用來放啲小飾物，做一個小小嘅飾物盒👍🏻👍🏻