一碗一串

營業中

休息中

約咗同事食lunch，同事話想食日本菜，一於就去依間一碗一串，因為印象中係唔需要等位嘅。嚟到一睇，真係好彩，lunchtime 都真係唔使等位，好快入咗去坐。入面嘅空間唔太大，坐得比較密，但係未去到擁擠嘅地步。叫咗炒蛋蕃茄用肉碎稻庭烏冬，跟餐可以選擇雞扒，牛柳串，炸魚柳等等。我揀咗雞扒。一食落去，佢嘅蕃茄蓉湯底非常美味，稻庭烏冬真係冇呃你，係真正嘅稻庭烏冬，非常有有趙口，滑蛋亦都好滑。總括而言，烏冬我會比滿分。雞扒就有啲太粗鞋啦，可能下次會揀牛柳串。