奇樂香辣雞煲 (已結業)

奇樂香辣雞煲今個冬天食左好多次雞煲同邊爐，一個禮拜總有2-3次。（愈黎愈擔心膽固醇既問題）早幾日又黎食奇樂，男朋友完左遴選話要食好多好多野。雞煲依然非常惹味，雞件亦夠新鮮嫩滑，不過價錢偏貴...因為佢用新鮮食材&靚料！本地手切肥牛都幾大碟，兩條友唔係好食得哂，油脂分佈都ok，肉質嫩滑，但牛味唔算濃。嚮鈴呢個嚮鈴超香脆👍就咁食都好正，不過重口味既我點都要過一過辣汁先滿足，一啖咬落去又辣又香又脆！成晚我最鐘意食呢個！脆肉鯇魚腩一上枱我以為係刺身，個樣好似油甘魚。碌一碌就食得，新鮮兼且肉質咬落有脆脆既感覺。