Day and Nite by Master Kama (已結業)

第一次食呢間餐廳，唔知試咩好，就揀左個新出既蝦蝦蝦海鮮盛會套餐，望落好抵食又吸引！另外再叫左個烏冬～套餐內容有三款食物，而兩款主食既份量都比想像中多，所以夠兩個人食黑魚子海膽紅蝦，蝦味同海膽味都好濃郁，好夾但又唔會奪去各自既光芒，而黑魚子就比較淡味。鮮茄虎蝦扁意粉，意粉比較硬，偏酸既茄味濃郁，虎蝦幾爽口而唔梅，not bad~升級版龍蝦芝士三文治無食過未升級版所以比較唔到😂，但龍蝦肉份量好多！個醬汁超好味🤤個包用牛油烘過，又香又脆而薯條份量好多，新鮮炸起同埋唔會太鹹～豬頸肉南瓜濃湯烏冬，南瓜味超濃，個石鍋保溫能力佳，豬頸肉則不過不失。今餐既總結係食物質素頗佳，最出色係個三文治價錢合理，服務都有效率，良好既用餐體驗！