影片
更多
2010-05-10
2674 瀏覽
如果唔係有openrice既地圖，同友人一早到左，個門口其實都有少少難揾。環境：要行上條樓梯先可以撘lift。上到樓上見到門口既擺設有水流，第一個感覺就係＂係咪睇過風水呢＂。地方唔算細，可以間三圍大枱，都幾闊落。服務：扣分原因1) 自己帶左酒黎，其中有樽係雪涷左既香檳，所以就問姐姐攞個雪桶。佢既答案係：＂你地而家都飲架啦，唔使雪桶啦。＂解釋比佢知唔係一開就十分鐘內飲哂，要保涷，佢先話冇桶。2) 正當我攞起個相機黎影相時，佢叫我等佢擺哂d野上枱先好影（先黎六小碟）。yes, mom!3) 因為同桌食飯既人年紀比較大，同公館唔係好隔暗，所以姐姐講餸名我地好多時都聽唔到，問多幾句佢就唔係好開心咁既樣。我地都好明白成餐飯得佢一個人搞真係好吃力，不過我地都唔想咁煩既。味道：食乜冇得揀，set menu。訂左位唔好加人減人呀，姐姐話材料每朝新鮮買，份量唔會預多既。 家鄉麩匯：經典齋菜，烤麩好清好健康。 涼拌鴛鴦爽：綠色嗰d唔係青瓜而係翠玉瓜。所謂鴛鴦爽係海哲皮同翠玉瓜。食落同個名一樣，好爽好脆。 神仙茄子：所有人都覺得好特別既菜色。茄子唔油膩，上面舖左肉鬆同炸菜，個組合真係幾新穎。茄子本身係冇味既
環境：要行上條樓梯先可以撘lift。上到樓上見到門口既擺設有水流，第一個感覺就係＂係咪睇過風水呢＂。地方唔算細，可以間三圍大枱，都幾闊落。
服務：扣分原因
1) 自己帶左酒黎，其中有樽係雪涷左既香檳，所以就問姐姐攞個雪桶。佢既答案係：＂你地而家都飲架啦，唔使雪桶啦。＂解釋比佢知唔係一開就十分鐘內飲哂，要保涷，佢先話冇桶。
2) 正當我攞起個相機黎影相時，佢叫我等佢擺哂d野上枱先好影（先黎六小碟）。yes, mom!
3) 因為同桌食飯既人年紀比較大，同公館唔係好隔暗，所以姐姐講餸名我地好多時都聽唔到，問多幾句佢就唔係好開心咁既樣。我地都好明白成餐飯得佢一個人搞真係好吃力，不過我地都唔想咁煩既。
味道：食乜冇得揀，set menu。訂左位唔好加人減人呀，姐姐話材料每朝新鮮買，份量唔會預多既。
家鄉麩匯：經典齋菜，烤麩好清好健康。
涼拌鴛鴦爽：綠色嗰d唔係青瓜而係翠玉瓜。所謂鴛鴦爽係海哲皮同翠玉瓜。食落同個名一樣，好爽好脆。
神仙茄子：所有人都覺得好特別既菜色。茄子唔油膩，上面舖左肉鬆同炸菜，個組合真係幾新穎。茄子本身係冇味既，所以同偏咸既炸菜好夾。姐姐話搽左層＂仙＂醬汁（應該係麻醬），所以道餸叫神仙茄子。
風花牛扇：公館名菜，未黎食已經聽過。其實真係好似食評家＂美食焚化爐＂所講，係一碟普通既牛展舖成扇形。味道好清好健康，一d都唔覺得咸。
豆瓣蘇：分開兩碟上，一碟係乾左既春卷皮（相中左身嗰碟），好脆好乾身，切成細細塊比我地點另外嗰碟有wasabi味既豆瓣蘇一切食。送酒一流。
馬蘭頭：用筷子夾馬蘭頭係好辛苦既，師傅好有心同好有心機地搓成一舊舊方便我地一人一口食，真係非常感激。好清甜，讚！
雪花銀肚羹：魚肚豆腐羹，好稀好淡，ok啦。
威化鴿柳卷：依味餸我要企起身拍手掌！真係好好食！！！白色既皮係炸既，真係完全食唔出，佢重話係春卷皮黎架bor，真係估唔到點可以做到白雪雪。一d 都唔油，好乾身。個餡都唔弱，有肉身好嫩既鴿肉，冬菇粒同埋金華火腿。我成日以為金華火腿好咸，但係個鴿柳卷不單唔咸，重有鮮甜味，真係一絕呀。超正！
貴妃踏雪：一味我好期待既菜，因為我好鍾意黑松露。好可惜，我地有得睇冇得食。因為我地唔小心夾野時打爛左隻玻璃杯，碎片入左去，所以冇得食。姐姐話唔會預多，所以我地唔好彩啦。
醉抱金雞：雞肉好嫩，連雞胸都唔嚡。不過叫得佢叫醉抱金雞我就覺得佢欠缺左d酒味，hmmm... 可能蒸發哂啦。
古法粉皮蒸魚：用粉皮蒸魚都係第一次見，好特別。因為怕骨我唔係好敢食魚，不過都可以食索左魚汁既粉皮，唔錯。食左既人話魚肉唔嚡，蒸得時間啱啱好，條魚亦都唔腥。
包公骨：因為係用梅黎調製，食落帶酸。見到d肥覺得佢係五花腩，不過五花腩係冇骨既，所以唔知佢係邊part，唔係好啱我。
鴛鴦香燒餅：由紅米同白米溝埋黎煎，所以健康d。外層香脆，配佢既肉醬一切食既特別。
茉莉茶湯圓：好清，唔係好食得出茉莉味，冇乜特別，ok啦。
張貼
