酉玉

營業中

休息中

呢間出名專食雞嘅唔同部位，食到好專，例如食道、雞冠都有得食。當中我覺得最出色嘅係雞內脾肉、雞頸、雞屁股皮，內脾肉嫩滑得嚟十分有肉香味，用汁燒亦燒得恰到好處。雞頸好好肉，同我本身以為會有骨嘅唔一樣，有驚喜！而雞屁股皮就比一般雞皮多咗油香味，大家可以一試！侍應們全部態度都好好，十分細心服務及推介。環境都唔錯嘅，通風系統做得好，冇乜油煙味。東京店係用炭燒，我相信如果用炭燒的話個味道會更上一層樓。我覺得食得咁專嚟講，價錢公道，但性價比一般。總括嚟講，食物、服務、環境都唔錯，但仍有進步空間。