半熟工房 (金馬倫道) (已結業)

呢個半熟芝士撻人氣咁旺係人都想試啦！但講真要排上兩個鐘去買，我又真係唔會囉！今日大約六時經過見仲有人龍，我問問店員大約何時會賣完呢？店員答我大約七時，於是我打算七時再到碰碰運氣，應該開店咁耐，都無咁多人買啦（我心想）。。。結果我七時再到，真係只有十數人排隊，於是我立刻排隊啦！正當我諗緊買幾多的時候，店員叫得返最後一盤供售賣！呀。。。好緊張呀！唔知我買唔買到呢？最後到我的時候只剩一件，唉，好過無啦，買咗之後就地正法！一啖咬落去味道無的想像中濃，芝士係半固體狀態，都可以叫好食啦！但同我想像的差不多，不算驚喜！之後唯有再買佢另一人氣食品，半熟芝士蛋糕，一盒5件 ＄75回家慢慢食。個芝士蛋糕的味道並不陌生，就好似一般日本芝士蛋糕，但佢特別在分了上下兩層，上層係cream狀的，下層係海棉蛋糕，變得有層次，好食。總括黎講，個撻同蛋糕都算好食，有機會會再買，但如果要排長龍買的話，我覺得唔藉得，老實講價錢唔平，已反影咗佢的價值。