臻.茶 (荷里活廣場)

營業中

休息中

夏日炎炎同朋友口痕想買杯野飲下, 荷里活一個商場至少有三間選擇,而最後揀呢間「臻.茶」, 一黎係新店, 二黎款式多, 仲有幾款飲品有推廣折扣優惠,而且仲有好多人排隊幫襯, 見咁有人氣, 吸引我買杯試下。揀咗杯「芝士哈哈」, 呢杯由哈蜜瓜沙冰同芝士奶蓋組合而成。沙冰打得幾幼細, 每啖都充滿哈蜜瓜果甜,飲到最後果啖d冰都仲有味;芝士奶蓋綿滑, 鹹鹹地, 跟哈蜜瓜果甜很match。如果芝士奶蓋厚返d多返d會更好, 芝士份量唔夠, 最後幾啖只有沙冰,冇咗初初飲果份邪惡。