影片
更多
2006-02-21
29 瀏覽
為一件小事慶祝, 所以諗住食返餐特別少少的。見之前食評話開始唔做晚巿, 所以預早打黎查詢, 好彩當日(18/2)有十幾人訂左, 所以我地都有得食。(但及後向老闆娘求證, 原來佢地唔係唔做晚巿架, 有興趣人士可放心打去訂~~)因為0個日有十幾人訂左, 所以我地被迫坐室外, 本來坐室外氣氛同環境都可以0既, 但因當日落雨同天氣轉冷, 所以好鬼凍, 我都仲頂得住, 但男朋友就要著晒褸喇。其實到我地坐低, 都仲未知當晚有乜食, 剩係知有鵝肝(因為訂時有問要唔要鵝肝, 而我地係要0既)。一坐低, 就上左個青瓜慕思，好香青瓜味, 又有少少蟹籽，幾好味。之後就黎左個蝦+螺冷盤, 份量都唔少, 用黎醮沙律醬食, 都幾特別。再上左法國麵包俾我地醮頭先d沙律醬, 雖然d麵包係買返黎0既, 但由於太凍關係, 而d沙律醬都幾好味, 咁都食左兩籃子麵包。(唔應該食咁多麵包, 搞到一陣鬼咁飽)第三道就係酥皮鵝肝, 底面各一塊酥皮, 鵝肝放係中間。鵝肝煎得好香口, 酥皮亦好脆, 但因為鵝肝好油, 所以底0個塊酥皮索晒油, 淋晒。第四道係我全晚覺得最好味的，就係酥皮焗帶子(見圖), 酥皮以下係白汁帶子, 有四隻帶子咁
見之前食評話開始唔做晚巿, 所以預早打黎查詢, 好彩當日(18/2)有十幾人訂左, 所以我地都有得食。
(但及後向老闆娘求證, 原來佢地唔係唔做晚巿架, 有興趣人士可放心打去訂~~)
因為0個日有十幾人訂左, 所以我地被迫坐室外, 本來坐室外氣氛同環境都可以0既, 但因當日落雨同天氣轉冷, 所以好鬼凍, 我都仲頂得住, 但男朋友就要著晒褸喇。
其實到我地坐低, 都仲未知當晚有乜食, 剩係知有鵝肝(因為訂時有問要唔要鵝肝, 而我地係要0既)。
一坐低, 就上左個青瓜慕思，好香青瓜味, 又有少少蟹籽，幾好味。
之後就黎左個蝦+螺冷盤, 份量都唔少, 用黎醮沙律醬食, 都幾特別。
再上左法國麵包俾我地醮頭先d沙律醬, 雖然d麵包係買返黎0既, 但由於太凍關係, 而d沙律醬都幾好味, 咁都食左兩籃子麵包。(唔應該食咁多麵包, 搞到一陣鬼咁飽)
第三道就係酥皮鵝肝, 底面各一塊酥皮, 鵝肝放係中間。鵝肝煎得好香口, 酥皮亦好脆, 但因為鵝肝好油, 所以底0個塊酥皮索晒油, 淋晒。
第四道係我全晚覺得最好味的，就係酥皮焗帶子(見圖), 酥皮以下係白汁帶子, 有四隻帶子咁多, 而且個忌廉汁好香, 好好味。(不過, 呢道菜0既小小敗筆係佢唔記得加dressing 落我0個碟度, 因為男朋友0個碟係有架...但唔緊要啦﹗)
之後就係紅蘿蔔忌廉湯, 賣相似南瓜湯, 但飲落原來係紅蘿蔔, 好特別, 好少飲到, 而且仲幾好味添。
食到呢度已經好飽喇, 都仲未到主菜，哈哈。
主菜有牛同鴨胸揀,, 我地揀各一啦。先黎牛扒, 得兩片, 份量偏少, 好彩我地都好飽, ok啦﹗而鴨胸份量就多d, 而且煮得剛剛好, 一d都唔"un", 我都幾鍾意呢個。
最後係甜品, 士多啤梨mousse同朱古力蛋糕, 可能我地實在太飽, 而且都唔係太好呢兩款甜品, 所以食左一半就無食喇﹗
總括呢一餐都幾滿意, 食足三個鐘, 嘻﹗
張貼
